चितवनमा अन्र्तराष्ट्रिय भलिवल प्रतियोगिता जारी, आजको खेलमा भारतसंग एपिएफ स्तव्ध

चितवन । विभागिय टिम नेपाल पुलिस क्लवले लगातार जित हात पार्दा शशस्त्र प्रहरी वल (एपिएफ ) ले चितवनको रत्ननगरमा जारी अन्र्तराष्ट्रिय आमन्त्रण पुरुष भलिवल प्रतियोगितामा पहिलो हार व्यहोरेको छ ।

दोश्रो दिन सोमवार भएको पहिलो खेलमा वंगलादेशको टाईटसलाई सोझो सेटमा पराजीत गर्दै पुलिसले लगातार जित हासिल गरेको हो । पुलिसले वंगलादेशलाई २५–१६,२५–२२ र २५–२१ को सोझो सेटमा पराजीत गरेको प्रतियोगिताका संयोजक बरुणबाबु घिमिरेले जानकारी दिए । सोमवारकै खेलमा एपिएफ भारतको रेल्वे स्टेशन तमिलनाडुसंग स्तव्ध भयो । पहिलो सेट जित्दै एपिएफले अग्रता लिएपनि त्यसपछिका तीन वटै सेट गुमाउन पुग्यो । पहिलो सेटमा २५–१७ ले अग्रता वनाएको एपिएफ दोश्रो सेटमा २०–२५,तेश्रो सेटमा १९–२५ र चौथो सेटमा २५–२७ ले हार व्यहोरेको प्रतियोगिताका संयोजक घिमिरेले वताए ।

वैरिया माविको चौरमा सोमवारनै भएको अर्को खेलमा आयोजक पञ्चरत्न युवा क्लवले प्रदेश नम्वर ३ लाई पराजीत गर्दै पहिलो जीत हात पार्यो । प्रदेश दुईको भने यो लगातार दोश्रो हार हो । खेलमा आयोजकले २५–२०,१७–२५,३०–२८ र २६–२१ को सेटमा पराजीत गर्यो । प्रतियोगिता अन्र्तगत मंगलवार पहिलो खेलमा नेपाल पुलिस क्लव र आयोजक पञ्चरत्न युवा क्लव,दोश्रो खेलमा प्रदेश नम्वर ३ र वंगलादेशको टाईटस क्लव र तेश्रो खेलमा नेपाल आर्मी र एपिएफबीच प्रतिस्पर्धा हुनेछ ।

प्रतियोगिताको विजेताले रु ३ लाख र उपविजेताले रु १ लाख ५० हजार रुपैया प्राप्त गर्नेछ ।