चितवनमा ३ दिन गणतन्त्र दिवस मनाइने

चितवन । जिल्ला समन्वय समिति चितवनका प्रमुख कृष्णकुमार डल्लाकोटीको अध्यक्षतामा शुक्रबार जिल्ला
प्रशासन कार्यालय चितवनमा वसेको वैठकले गणतन्त्र दिवस, २०७६ भव्य रुपमा मनाउने निर्णय गरेको छ । ५५१ सदस्यीय मूल समारोह समिति गठन गर्ने निर्णय गरिएको छ ।

गणतन्त्र दिवस, २०७६ जेठ १४, १५ र १६ गते विविध कार्यक्रमहरु सहित मनाउने निर्णय गरिएको छ
। तीन दिनको साझा कार्यक्रमको रुपमा साँझ दिपावली गर्ने भनिएको छ । जेठ १४ गते जिल्ला स्थित सवै सरकारी कार्यालयहरुमा राष्ट्रिय झण्डा फहराउने , विहान ७ः०० देखि ८ः०० सम्म भरतपुर महानगरपालिकाको संयोजकत्वमा गेष्ट हाउस चौर देखि भरतपुर अस्पताल सम्म सरसफाई  गर्ने, प्रदेश ट्राफिक प्रहरी कार्यालय र जिल्ला ट्राफिक प्रहरी कार्यालयको अगुवाईमा सडक
सुरक्षा सम्बन्धि कार्यक्रम आयोजना गर्ने, शिक्षा विकास तथा समन्वय ईकाई र भरतपुर  महानगरपालिका शिक्षा शाखाद्धारा संयुक्त रुपमा भरतपुर महानगरपालिका स्तरीय वक्तृत्वकला कार्यक्रम आयोजना गर्ने र साँझ दिपावली गर्ने निर्णय भएको वैठकको अध्यक्षता गरेका
प्रमुख डल्लाकोटीले जानकारी दिए ।

त्यस्तै गणतन्त्र दिवसको दिन जेठ १५ गते विहान ७ः०० वजे सवै संघ संस्थाहरु व्यानर सहित चौविसकोठीमा जम्मा भई प्रभातफेरी कार्यक्रम गर्ने, प्रभातफेरी कार्यक्रम गेष्टहाउस चौरमा गएर अन्त्य हुने र औपचारीक कार्यक्रम शुरु हुने, वक्तृत्वकलामा विजयी प्रथम, द्धितिय, तृतिय र सान्त्वनालाई पुरस्कार वितरण, सोही दिन कारागार कार्यालय, चितवनका महिला कैदि बन्दीलाई फलफूल वितरण गर्ने र साँझ दिपावली गर्ने कार्यक्रम तय भएको छ ।

१६ गते विहान ८ः०० वजे चौविसकोठी चौतारीमा नेपाल रेडक्रस, चितवन शाखाद्धारा रक्तदान कार्यक्रम गर्ने, यसै दिन आ–आफ्नो कार्यालय परिसरमा वृक्षारोपण (फलफूलका विरुवा ) गर्ने, साँझ दिपावली गर्ने निर्णय भएको छ ।