बिप्लब माओवादीकाे बन्द: चितवन सहित देशभर प्रभावित

चितवन । बिप्लब माओवादीको आजको नेपाल बन्दको कारण चितवन सहित देशभर बन्दको प्रभाव देखिएको छ । बन्दको कारण यातायात, स्कुल, कलेज, बैंक, पसल लगाएत प्रभावित भएका थिए ।

बन्दको पुर्ब सन्ध्यामा हिजो बेलुका चितवनका केहि ठाउँमा बिस्फोट भएको आवाज आएको थियो । हिजो नै राजधानीमा भएको ३ ठुलो घटनामा बिप्लब कै ४ जना कार्यकर्ता मारिएका र कार्यकर्ता सहित ९ जना घाइते भएका छन ।
चितवनको रामपुरमा आज  कुकर बम फेला परेकोमा नेपाली सेनाले निष्क्रिय पारेको छ ।
 नेकपा विप्लब समूहका कार्यकर्ताले आज बिहान ३ बजे एक ट्रकमा पेट्रोल बम प्रहार गरी आगजनी गरेका छन् । नवलपरासीको मध्यबिन्दु नगरपालिका–११, स्थित राजमार्गमा सिमेन्ट बोकेर नारायणगढतर्फ जाँदै गरेको लु २ ख १०८ नम्बरको ट्रकमा सो समूहले पेट्रोल बम प्रहार गरी आगजनी गरेका हुन् ।

पेट्रोल बम प्रहार गर्दा ट्रक अनियन्त्रित भई सडकबाट पाँच मिटर तल खसेको थियो । ट्रक चालक तनहुँ ब्यास नगरपालिका–४, बस्ने ३३ वर्षीय अमर विक घाइते भएका छन् । उनको ढाड र अनुहारमा आगोले पोलेको छ । घाइते विकको स्थानीय मेडिकलमा उपचार गरिएको प्रहरीले जनाएको छ ।

मकवानपुरका दुई स्थानमा ट्रकमा आगजनी भएको छ भने हेटौँडाको बुद्धचोकमै बम फेला परेको छ ।
त्यसैगरी, थाहा नगरपालिका–१ कन्छाल नजिक कुले खोलामा गए राति काठमाडौँबाट हेटौँडातर्फ आउँदै गरेको ट्रकमा आगजनी भएको छ ।
नौ खण्डेमा बास बसेर आज बिहान ४ः१५ बजे नौखण्डेबाट हिँडेको र ना ६ ख ८००७ नम्बरको ट्रक गुडिरहेको अवस्थामा नै आगजनी भएको हो ।
विप्लव’ समूहले पूर्वी सुर्खेतमा एक यात्रुवाहक बसमा आगजनी गरेका छन् । गुर्भाकोट नगरपालिका–१४ को गुमीबाट छिन्चु आउँदै गरेको ना२ख ७४४४ नम्बरको बसलाई विप्लवका कार्यकर्ताले आज बिहान गोचेखोलामा आगजनी गरेका हुन् ।

महोत्तरीको बर्दिवास नगरपालिका कार्यालयनजिक सोमबार बिहान फेला परेकाे कुकर बम सेनाले निष्क्रिय पारेकाे छ।पूर्वपश्चिम राजमार्ग छेउस्थित नगर कार्यालयको मूल गेटनजिक कुकर बम भेटिएकाे थियाे।

पोखराको विभिन्न तीन ठाउँमा आज बिहान शङ्कास्पद वस्तु देखिएको छ ।सिर्जनाचोक र फिर्केचोकको बीचमा एनसेल कार्यालय नजिक, दरबारमार्गस्थित एक पार्टी प्यालेसनजिक र नारेश्वरचोकस्थित सडकको पेटीका शङ्कास्पद वस्तु देखिएको जिल्ला प्रहरी कार्यालय, कास्कीका प्रहरी नायब उपरीक्षक एवं प्रहरी प्रवक्ता रवीन्द्रमान गुरुङले जानकारी गराउनुभयो ।